Dietei laguntzeko taldeak (Kaizen)

Zenbat aldiz amaitu duzu behar ez duzuna jaten, dieta bat egiten saiatu ostean? Zein da hau egitearen arrazoia?  Zergatik jaten dugu komeni ez zaiguna? Zerk bultzatzen gaitu hori egitera? Guztiok dakigu zer den eta zer ez den egin behar duguna modu egoki batean elikatzeko, baina askotan, zailtasun handiak izaten ditugu urrats horiek jarraitzeko. Baina, zergatik?

Hor dago gakoa, lehen pausoa gehiegi jate hori saihesteko, janariaren inguruan horrelako jokaerak izatera eramaten gaituena zer den jakitea baita, hain zuzen ere.

Arrazoi nagusietako bat, gure emozioak janariaren bidez bideratzen ditugula da. Adibidez, aspermena, amorrua, haserrea, tristura, frustrazioa, bakardadea, hutsuneak… bezalako emozioak, janez arintzen eta konpentsatzen saiatzen gara. Batzuetan, ondo sentitzen garenean ere gertatzen da, gure burua saritu eta “omenaldi” bat ematen diogularik. Janaria estimulu oso atsegingarria da, eta gainera, berehalakoa da, eta haur txikiak garenetik, janaria eta emozioen artean asoziazio bat sortzen joan izan gara. Esaterako, ama batek haurrari bularra ematen dionean, elikatzeaz gain, lotura afektibo bat ere sortzen du berarekin. Bestalde, gure kulturan, bilera sozial guztiak mahai baten inguruan antolatzen dira. Beraz, ez da harritzekoa, batzuetan horrelako jokaerak izatea. (Informazio hau osatzeko “Alimentación Emocional” artikulua irakurtzea gomendatzen da).

Kasu hauetan, gehiegi jatera goazen uneetan pentsatzera gelditzen bagara eta une horretan zer pentsatzen eta sentitzen ari garen identifikatzen badugu, jatearen ordezkoa den beste jokabide bat garatzeko gaitasuna eduki dezakegu. Jan ordez egin ditzazkegun eta emozio horiek modu osasuntsuago batean maneiatzen lagundu diezaguketen beste gauza batzuen baliabide zerrenda bat egin dezakegu.

Hau, piskanaka bereganatutako ohitura osasuntsuak alde batera utzi eta aurreko jokabideetara bueltatzean hasten den “zirkulu biziotsu” hori apurtzeko modu egoki bat izan daiteke: 

Gehiegi jan/ohitura osasuntsuak utzi-> galdutako pisua berreskuratu-> nork bere buruarekin eta gorputz irudiarekin gustora ez egon-> jaten jarraitu zeren (iada berdin dio, gaizki ikusten naiz)-> gaizkiegonaren igoera-> berriz ere dieta egiten hasi. (lotsa/erruduntasun/porrota sentimenduarekin eta gaizki sentituz kanpotik datorren kontrol bat “behar” izateagatik, “bakoitzak badakienean soberan zer den egin behar duena baina  hala ere, ez duelako egiten”).

Ohitura osasuntsu horiek, eta ondorioz, pisu osasuntsu bat mantentzeko oinarrizkoa den gauzetako bat, konstantzia da. Horretarako, talde hauek oso lagungarriak gerta daitezke. Beste pertsona batzuei zuri gertatzen zaizun berdina gertatzen zaiela entzutea, ez zarela bakarra jakitea, entzunda eta ulertua sentitzea, beste pertsona batzuen aholkuak entzutea eta batak besteari animoak ematea, oso lagungarria gertatzen da erruduntasuna arintzeko, sentitzen duzuna kanporatzeko, konpromezu bat hartzeko (zeure buruarekiko eta taldearekiko), ikasteko eta ondo pasatzeko ere. Entzutea eta elkarbanatzea lagungarria delako.

Eskerrik asko etortzera, parte hartzera, egiatiak izatera, konpromezu bat hartzera eta ondo pasatzera animatzen zareten guztiei. Guztiek eta zuetako bakoitzak, elkarrekin hasiko dugun bidai honetan zehar galdera horren erantzuna aurkitzea espero dugu.

Nerea Gomez, Psikologa